Vill að niðurstöðunum verði breytt
mbl.is
Setja bókamerki
Hvöt, félag sjálfstæðiskvenna í Reykjavík, hefur sent frá sér ályktun þar sem félagið harmar hlut kvenna í prófkjörum Sjálfstæðisflokksins um helgina í Suðvestur- og Suðurkjördæmi. Er skorað á kjörnefndir að endurskoða niðurstöður prófkjaranna með tilliti til stöðu kvenna og karla.
„Hvöt félag sjálfstæðiskvenna í Reykjavík harmar hlut kvenna í prófkjörum helgarinnar. Það skiptir máli að framboðslistar flokksins höfði til bæði karla og kvenna og endurspegli þannig samfélagið. Stjórn Hvatar skorar á kjörnefndir flokksins að endurskoða uppröðun listanna út frá þessum veigamiklu markmiðum,“ segir í ályktuninni.
Karlar voru kosnir í fjögur efstu sætin í prófkjörinu í Suðvesturkjördæmi og í þrjú efstu í Suðurkjördæmi.
Hernaðaraðstoð samþykkt – Vopnasendingar í vikunni
Eyjafjarðarbraut lokað vegna alvarlegs umferðarslyss
„Á réttri leið en nokkuð í land ennþá“
Handtekin eftir að tvö börn fundust látin
Veiting hvalveiðileyfis ekki brot á EES-samningi
Tveir í bílnum sem lenti utan vegar