Einn stjórnmálaflokkur hlaut nægilega mörg atkvæði í alþingiskosningunum til að öðlast rétt til fjárframlaga úr ríkissjóði, án þess þó að koma mönnum á þing. Var það Flokkur fólksins, sem fékk 6.707 atkvæði og þannig 3,5% atkvæða á landsvísu.

Samkvæmt lögum þurfa flokkar að fá 5% atkvæða eða meira til að komast inn á þing, en sú takmörkun kemur þó ekki í veg fyrir fjárframlög úr ríkissjóði, sem öll þau stjórnmálasamtök eiga rétt á, sem ná að lágmarki 2,5% atkvæða í alþingiskosningum.

Dögun og Flokkur heimilanna fengu greitt

Greiðslur til stjórnmálasamtaka eru samkvæmt ákvörðun fjárlaga hverju sinni og miðast við atkvæðamagn kosninga þar á undan. Ef litið er til fjárframlaga úr ríkissjóði til stjórnmálasamtaka árið 2015 má sjá að Flokkur heimilanna, sem hlaut 3,02% í kosningunum árið 2013, fékk í sinn hlut 9.156.197 krónur.

Dögun, sem hlaut 3,10% í þeim sömu kosningum, fékk 9.393.645 krónur úr ríkissjóði á síðasta ári, en 286 milljónir króna voru til skiptanna samkvæmt vef fjármálaráðuneytisins.

Verði þeirri upphæð ekki breytt í næstu fjárlögum má lauslega áætla að Flokkur fólksins muni fá, með sín 3,5% atkvæða, rétt rúmlega tíu milljónir króna eða 10.010.000 krónur á ári. Fari svo að komandi kjörtímabil verði til fjögurra ára gæti fjárframlag til flokksins úr ríkissjóði því numið rúmlega fjörutíu milljónum króna, samkvæmt bráðabirgðaútreikningum mbl.is.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 2 blogg um fréttina

Bloggað um fréttina

• Jens Guð: Vanmetinn styrkur
• Ómar Ragnarsson: Þá hlýtur Sjálfstæðisflokkurinn að fá ca 350 milljónir.