Benedikt Jóhannessyni, formanni Viðreisnar, hugnast ekki stjórnarsamstarf með Pírötum, Vinstri grænum, Bjartri framtíð og Samfylkingu. Þetta kom fram í umræðuþætti leiðtoga stærstu stjórnmálaflokkanna í hádegisfréttatíma Stöðvar 2.
Spurður hvort hann gæti hugsað sér ríkisstjórn þessara fimm flokka sagði Benedikt að honum hugnaðist ekki að „ganga sem fimmti flokkur inn í Píratabandalagið“.
Heimir Már Pétursson fréttamaður spurði hann þá hvort honum hugnaðist jafnvel minnst samstarf með Pírötum, af öllum flokkum.
„Ég sagði það nú ekki,“ svaraði Benedikt.