Bjarni gæti skilað umboðinu
Setja bókamerki
Svo getur farið að Bjarni Benediktsson, formaður Sjálfstæðisflokksins, skili umboði sínu til stjórnarmyndunar aftur til Guðna Th. Jóhannessonar forseta. Þetta segir Bjarni í samtali við fréttastofu RÚV.
„Það er töluvert mikil gjá víða á milli manna en nú ætla ég að halda þessum samtölum áfram og sjá hvort það er grundvöllur til þess að hefja eiginlegar stjórnarmyndunarviðræður við aðra flokka,“ sagði Bjarni í samtali við fréttamann að loknum þingflokksfundi í dag.
Þá segir hann kosningaúrslitin hafa sniðið honum þröngan stakk, margir hafi enda verið fljótir að útiloka samstarf við aðra flokka.
Útséð um viðræður flokkanna
Spurður um mögulegt samstarf við Vinstri græn segir hann að lítill möguleiki sé á því.
„Já, við höfum rætt saman nokkrum sinnum og ég tel að það sé orðið útséð um að hefja einhverjar viðræður á milli flokkanna.“
Hefur ekki viljað skipta sér af
Katrín Jakobsdóttir, formaður Vinstri grænna, segir í samtali við mbl.is að samstarf flokkanna tveggja hafi alltaf verið fjarlægur möguleiki.
Þá segist hún aðspurð vera reiðubúin að sækjast eftir umboðinu á ný.
„Ég hef talað fyrir ákveðnum möguleikum á ríkisstjórn og ég myndi að sjálfsögðu kanna þennan möguleika. Það hefur ekki breyst, en ég hef ekki viljað skipta mér af stöðunni eins og hún hefur verið.“
„Skýr skilaboð til Seðlabankans“
„Á réttri leið en nokkuð í land ennþá“
Vélsleðaslys: Þyrlan kölluð út á mesta forgangi
Skemmtiferðaskip hætt komið nærri Viðey
Handteknir eftir myndatöku í Vesturbæjarlaug
Handtekin eftir að tvö börn fundust látin
Tveir í bílnum sem lenti utan vegar