Ræddu húsnæðisvanda ungs fólks
Setja bókamerki
Það spunnust líflegar umræður um ungt fólk hjá leiðtogum stjórnmálaflokkanna á Rúv í kvöld. Flestir voru sammála um að það þyrfti að leysa íbúðarvanda ungs fólks sem væri á sama tíma að mennta sig, koma yfir sig þaki og jafnvel eignast börn.
Stjórnmálamenn voru með ýmsar útfærslur á því hvernig best væri að haga hlutunum í þeirra þágu. Bent var á ýmsar leiðir í þeim efnum t.d. að lækka vexti, afnema verðtryggingu, breyta um gjaldmiðil, breyta lífeyriskerfinu, byggja leiguíbúðir fyrir almannafé, lækka lóðaverð o.s.frv.
Í tengslum við ungt fólk var einnig nefnd menntun til sögunnar, margir nefndu að efla þyrfti framhaldsskólakerfið og auka fjármagn til Háskólanna. Þorvaldur Þorvaldsson í Alþýðufylkingunni furðaði sig á því að 25 ára gömlu fólki væri meinað að sækja sér menntun í framhaldsskóla. „Ég var 47 ára þegar ég varð stúdent. Ekki get ég séð að samfélaginu hafi orðið meint af því,“ sagði Þorvaldur og uppskar hlátur fyrir vikið.
Mannekla í leikskólum borgarinnar var einnig nefnd á nafn þar sem viðbúið er að lokanir munu blasa við. Pálmey Gísladóttir formaður Dögunar benti á þennan vanda og kallaði eftir aðgerðum.
Segjast hafa skotið niður langdræga sprengjuvél
Hæstiréttur staðfestir vanhæfi alls Landsréttar
Ofsóttur innan veggja Boeing
Hyggjast leyfa fólki að skoða gosið
Myndskeið: Segjast hafa skotið niður sprengjuflugvél
Sárt að horfa upp á illa meðferð fjármuna
Segjast ekki vera á kaldri slóð
Aðkoman í gripahúsið mjög slæm