Vinstri grænir með 21,8% fylgi
Setja bókamerki
Vinstri grænir mælast með mest fylgi íslenskra stjórnmálaflokka samkvæmt nýrri skoðanakönnun MMR, eða 21,8%.
Sjálfstæðisflokkurinn er skammt undan með 21,1% fylgi. Gagnaöflun stóð yfir dagana 6. til 11. október.
Bæði Vinstri grænir og Sjálfstæðisflokkurinn hafa tapað fylgi frá síðustu mælingu MMR sem lauk 28. september. Þá mældust Vinstri grænir með 24,8% fylgi og Sjálfstæðisflokkurinn með 23,5% fylgi.
Fylgi Samfylkingarinnar mælist nú 13% en það er aukning upp á 3 prósentustig frá síðustu mælingu.
Miðflokkurinn mælist með stuðning 10,7% kjósenda og mælist þar með stærri en Píratar, Flokkur fólksins og Framsóknarflokkurinn.
Stuðningur við ríkisstjórnina lækkaði milli mælinga. Alls sögðust 21,8% styðja ríkisstjórnina samanborið við 22,5% í síðustu könnun.
Alls svöruðu 966 einstaklingar könnuninni, 18 ára og eldri.
Æskuvinur Íslendings myrtur í Noregi
Handteknir eftir myndatöku í Vesturbæjarlaug
„Skýr skilaboð til Seðlabankans“
„Hvílir mikil leynd yfir þessu öllu“
Handtekin eftir að tvö börn fundust látin
Tóku upp hanskann fyrir leikskólabörn
„Okkur miðar í rétta átt“