Rak fleyg milli Viðreisnar og Sjálfstæðisflokks

Páll Jóhann Pálsson, fulltrúi Framsóknarflokksins, í veiðigjaldanefnd segir Þorstein Pálsson ...
Páll Jóhann Pálsson, fulltrúi Framsóknarflokksins, í veiðigjaldanefnd segir Þorstein Pálsson aldrei hafa ætlað sér að skapa neina sátt um sjávarútveg. mbl.is/Eggert Jóhannesson

Formaður nefndar um sátt í sjávarútvegi ætlaði aldrei að skapa neina sátt um sjávarútveg, heldur ætlaði hann að reka fleyg í ríkisstjórnarsamstarf Viðreisnar og Sjálfstæðisflokks. Þetta segir Páll Jóhann Pálsson, fulltrúi Framsóknarflokksins í nefndinni, í fréttatilkynningu sem hann sendi frá sér vegna greinagerðar Þorsteins Pálssonar formanns sáttanefndar um gjaldtöku í sjávarútvegi.

Greint var frá því fyrr í dag að starfi þver­póli­tískr­ar nefnd­ar um framtíðarfyr­ir­komu­lag gjald­töku fyr­ir af­not af fisk­veiðiauðlind­inni hef­ur verið slitið vegna þingrofs og kom­andi kosn­inga.

Með til­kynn­ing­u frá at­vinnu­vega- og ný­sköp­un­ar­ráðuneyt­inu um málið fylg­di grein­ar­gerð for­manns nefnd­ar­inn­ar, Þor­steins Páls­son­ar, um stöðu mála í nefnd­inni við starfsslit­in en alls hélt hún níu form­lega fundi frá 19. maí til 6. sept­em­ber.

Í grein­ar­gerð sinni sagð­ist Þor­steinn hafa ít­rekað þá skoðun sína, á síðasta fundi nefnd­ar­inn­ar, að mik­il­væg for­senda fyr­ir áfram­hald­andi leit að lausn væri samstaða um að gjald­taka skyldi miðast við tíma­bund­in af­not auðlind­ar­inn­ar.

Páll Jóhann segir í yfirlýsingu sinni hafa, ásamt fulltrúum tveggja annarra flokka, varað við að svona gæti farið og að bókun þess efnis hafi verið skráð þann 20. júní s.l.

„Það eru forkastanleg vinnubrögð af hálfu formanns nefndarinnar að slíta nefndarstarfinu án samráðs við nefndarmenn og túlka niðurstöðu nefndarinnar með þeim hætti að ekki hafi verið hægt að ná sátt um langtíma samninga. Eftir gagnaöflun og greinagerðir sérfræðinga höfðu aðeins tveir af sjö nefndarmönnum  lagt fram sínar hugmyndir formlega inn í umræðuna og því ótímabært að slíta viðræðum,“ segir í tilkynningunni.

Í nefndarstarfi sem þessu sé mikilvægt að vanda til verka og því sé það umhugsunarefni að vinnugögn nefndarinnar séu birt opinberlega áður en vinnu sé lokið.

Framsóknarflokkurinn hafi í nefndarstarfinu lagt ríka áherslu á „að treysta atvinnu og byggð í landinu og hámarka þjóðhagslegan ávinning af auðlindinni án þess að ganga ekki of nærri minni útgerðarfyrirtækjum.“

mbl.is

Bloggað um fréttina