ESB-kosning ekki skilyrði
Setja bókamerki
Viðreisn mun ekki setja þjóðaratkvæðagreiðslu um frekari skref í átt að inngöngu í Evrópusambandið sem skilyrði fyrir mögulegri ríkisstjórnarþátttöku. Þetta sagði Þorgerður Katrín Gunnarsdóttir, formaður flokksins, við Ríkisútvarpið í kvöld.
„Á þessu stigi tel ég rétt að flokkar setji ekki fram nein skilyrði. Ábyrgðin er að koma saman stjórn. Síðan er stóra myndin sú, hvort sem flokkar eru innan eða utan stjórnar, það eru nýju vinnubrögðin. Við þurfum að passa okkur á því að vera málefnaleg bæði í meirihluta sem minnihluta,“ sagði Þorgerður Katrín í viðtalinu.
Logi Már Einarsson, formaður Samfylkingarinnar, hafði áður lýst því sama yfir fyrir helgi, að þjóðaratkvæði um Evrópusambandið væri ekki skilyrði, en þá stóðu enn yfir viðræður fjögurra flokka um myndun ríkisstjórnar frá miðju til vinstri sem slitið var í dag.
Viðreisn og Samfylkingin eru einu flokkarnir á þingi sem eru hlynntir inngöngu í Evrópusambandið.
Frétt mbl.is: Atkvæðagreiðsla um ESB ekki skilyrði
Segjast ekki vera á kaldri slóð
Færa slökkviliðið til nútímans
Hafa „ágætis tíma“ til úrbóta
Almannavarnir auka viðbúnað
Mun fara sparlega með málskotsréttinn
Mikilvægt að vera á tánum
Hyggjast leyfa fólki að skoða gosið
29 nautgripir fundust dauðir