Þingflokkur VG fundar í dag
Setja bókamerki
Fundað hefur verið undanfarna tvo daga í óformlegum stjórnarmyndunarviðræðum Vinstri hreyfingarinnar – græns framboðs, Sjálfstæðisflokksins og Framsóknarflokksins en ekki er gert ráð fyrir fundum í dag.
Þess í stað verður þingflokksfundur hjá VG síðdegis þar sem Katrín Jakobsdóttir, formaður flokksins, og Svandís Svavarsdóttir, þingmaður hans, munu greina þingflokknum frá því hvernig viðræðurnar hafa gengið. Ákvörðun um frekari fundi flokkanna þriggja verður væntanlega tekin í framhaldinu.
Frétt mbl.is: „Þetta hefur bara gengið vel“
Ólíklegt þykir að þingflokkur Framsóknarflokksins fundi í dag en gert er hins vegar ráð fyrir að hann fundi á morgun samkvæmt heimildum mbl.is. Ekki liggur heldur fyrir hvort þingflokkur Sjálfstæðisflokksins fundar í dag.
Katrín sagði í samtali við mbl.is í gær eftir að fundum dagsins með fulltrúum Sjálfstæðisflokksins og Framsóknarflokksins lauk að það færi að koma að því að fá þurfi botn í það hvort viðræður flokkanna þriggja væru eitthvað sem hægt væri að klára. Það myndi væntanlega skýrast strax eftir helgi.
Katrín sagði að áhersla hefði verið lögð á það á fundum flokkanna til þess að kortleggja stóru málin, meðal annars uppbyggingu í heilbrigðiskerfinu og menntakerfinu, og sú vinna hefði gengið vel.
Telur forsendur fyrir vaxtalækkun
„Höfum ekki náð að skríða upp úr þeirri gryfju“
Handteknir eftir myndatöku í Vesturbæjarlaug
Gígbarmurinn hækkað frá því í gær
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi