Nýir ráðherrar taka við lyklum á morgun
Setja bókamerki
Nýir ráðherrar taka við ráðuneytum sínum í fyrramálið þegar formleg skipti fara fram. Þau hefjast klukkan níu í fyrramálið og lýkur á hádegi. Katrín Jakobsdóttir tekur fyrst við lyklum í forsætisráðuneytinu kl. 9 í fyrramálið þar sem Bjarni Benediktsson afhendir henni lyklavöldin.
Hálftíma síðar eða kl. 9:30 þarf Bjarni að vera mættur í fjármálaráðuneytið til að taka við sínu ráðuneyti. Benedikt Jóhannesson afhendir honum lyklavöldin þar. Sigurður Ingi Jóhannsson verður mættur kl. 10 í samgöngu- og sveitarstjórnarráðuneyti þar sem Jón Gunnarsson tekur á móti honum.
Þorgerður Katrín Gunnarsdóttir afhendir Kristjáni Þór Júlíussyni lyklana í landbúnaðar- og sjávarútvegsráðuneytinu. Klukkan 11 verða ráðherraskipti í umhverfis- og auðlindaráðuneyti þegar Björt Ólafsdóttir afhendir Guðmundi Inga Guðbrandssyni lyklavöldin.
Klukkan hálf tólf verður Kristján Þór mættur í menntamálaráðuneyti til að afhenda Lilju Dögg Alfreðsdóttur lyklana. Ásmundur Einar Daðason verður mættur á hádegi í félags- og jafnréttismálaráðuneyti til að taka við af Þorsteini Víglundssyni.
Svandís Svavarsdóttir tekur að endingu við heilbrigðisráðuneyti af Óttari Proppé klukkan rúmlega tólf á morgun.
/frimg/1/48/52/1485260.jpg)
Ölfusárbrú opnuð aftur eftir bílslys
„Við eigum hvergi heimili“
Niðurstaða MDE kallar á breytingar
Hjón sluppu með skrekkinn
„Ert þú þá svona latte-lepjandi hjólagaur?“
Skrítin menning í bankanum