Þegar Bjarni Benediktsson lét af embætti forsætisráðherra á fimmtudaginn hafði hann enn ekki hlotið stórkrossinn, æðsta sig fálkaorðunnar, sem forsætisráðherrar Íslands eru jafnan sæmdir.

Skýringin er sú að hann var stutt í embætti og engir viðburðir á þeim tíma sem knúðu á um orðuveitingu. Stórkrossinn bera orðuhafar einkum í móttökum og veislum þjóðhöfðingja.

Aftur á móti fékk Sigðurður Ingi Jóhannsson stórkrossinn, þótt hann væri einnig stuttan tíma í embætti, en það var vegna þess að hann gegndi embættinu við innsetningarathöfn forseta Íslands í ágúst í fyrra. Dæmi eru um það frá fyrri árum að forsætisráðherrar hafi verið sæmdir stórkrossi eftir að þeir létu af embætti, að því er fram kemur í umfjöllun um orðuveitingu þessa í Morgunblaðinu í dag.

Tengdar fréttir

Ný ríkisstjórn 2017

Konur meirihluti aðstoðarmanna

• Sigurður Ingi með tvo aðstoðarmenn
• Ýmis mál tekin fyrir á þingfundi í dag
• Vísar kæru á Loga frá
• Enn vanti nokkuð upp á

» Fleiri tengdar fréttir