Innlendar myndir vikunnar

Gæsaveiðitímabilið er greinilega hafið hjá köttunum eins og hjá mönnunum. Þessi stálpaði kettlingur náði þó ekki að grípa gæsina á meðan hún gafst þrátt fyrir heiðarlega tilraun.

Sigurjón Árnason, fyrrverandi bankastjóri Landsbankans, ber möppur inn í dómsal. Aðalmeðferð í máli sérstaks saksóknara gegn honum og Sigríði Elínu Sigfúsdóttur fór fram í vikunn.

Ofurtöffarinn Raggi Bjarna varð áttræður á mánudaginn, og hélt að sjálfsögðu tónleika af því tilefni. Geri aðrir betur.

Senn líður að hausti.

Innlendar myndir vikunnar

Innlendar myndir vikunnar

Sveppatínsla er í hugum sumra árlegur haustboði.

Regnbogar blöstu við regnbörðum Íslendingum í vikunni.

Læðan Rósa kom í leitirnar eftir þriggja ára fjarveru. Eigandi hennar, Végeir Hjaltason, hafði gefið upp alla von um að sjá hana aftur.

Að taka myndir af sjálfum sér, svokallaðar „selfie“, nýtur mikillar hylli. Til að ná sem bestri sjálfsmynd er gott að hafa framlengingu á handleggnum eða svokallaða „sjálfsmyndastöng.“ Slíkur búnaður virðist þó ekki vera búinn að ryðja sér til rúms hér á landi. Afgreiðslumaður í ljósmyndavöruversluninni Beco sagði að þeir væru aðeins með stöng fyrir GoPro-vélar sem væri hægt að nota fyrir annarskonar myndavélar með sérstöku millistykki. Hann sagði stöngina aðallega keypta af veiðimönnum sem vilja geta stungið GoPro-vélinni ofan í vatn. Hjá vefversluninni Aukahlutir.net er hægt að kaupa sjálfsmyndastöng með bluetooth fyrir síma. Verslunin hóf sölu á þeim í síðustu viku svo ekki er komin reynsla á vinsældir búnaðarins á Íslandi. Afgreiðslumaðurinn hjá Aukahlutum.net sagði að slíkar stangir sæjust mikið á vinsælum ferðamannastöðum í útlöndum en þá er stöngin notuð til að lyfta myndavélinni upp fyrir mannfjöldann til að ná betri myndum.

Blindhorn eru slæm fyrir alla, sérstaklega hjólreiðamenn.

Og enn haustar.

Labrador-hundurinn Diesel hleypur að gervibráð á vatni við Tjarnhóla á Mosfellsheiði, sem er vinsælt æfingasvæði fyrir veiðihunda.