Myndagallerí
Valsmenn komnir í bikarúrslit
Birtingardagur:
Fimmtudaginn, 30. júlí 2015
Valur vann KA í kvöld í vítaspyrnukeppni í undanúrslitum bikarkeppni KSÍ á Akureyrarvelli, eftir að staðan var enn 1:1 að lokinni framlengingu. Valsmenn eru þar með komnir í úrslit.
Var þetta brot? KA-menn mótmæltu harðlega jöfnunarmarki Valsara. Hér verður ekki betur séð en einn Valsarinn haldi utan um Rajkovic markvörð þegar boltinn er á leið fyrir markið. Einnig má reyndar benda á að KA-maðurinn þeldökki, Archange Nkumu, tekur Hauk Pál Sigurðsson Valsmann hálstaki á sama tíma, sem er álíka ólöglegt og hitt!
Mynd 1 af 21 – Ljósm.: Skapti Hallgrímsson
Rajkovic náði ekki að grípa boltann, ef til vill vegna þess að haldið var í hann, en Haukur Páll, sem stekkur upp með markverðinum, var ekki brotlegur.
Mynd 2 af 21 – Ljósm.: Skapti Hallgrímsson
KA-menn náðu ekki að hreinsa almennilega frá markinu, boltinn hrökk út í teig þar sem Orri S. Ómarsson (til hægri) þrumaði honum í netið.
Mynd 3 af 21 – Ljósm.: Skapti Hallgrímsson
Varnarmenn komast oft upp með eitt og annað misjafnt í fótboltaleikjum og er slík sjón algeng í öllum leikjum og allir nokkurn veginn jafn sekir! Hér grípa tveir Valsmenn til örþrifaráða á meðan beðið er eftir boltanum í hornspyrnu.
Mynd 4 af 21 – Ljósm.: Skapti Hallgrímsson
Davíð Rúnar Bjarnason komst næst því að skora fyrir KA í seinni hálfleik. Hann skallar hér í stöng.
Mynd 5 af 21 – Ljósm.: Skapti Hallgrímsson
Átti þetta að vera víti? Valsmenn heimtuðu vítaspyrnu í seinni hálfleik og ekki var annað að sjá en þeir hefðu nokkuð til síns máls.
Mynd 6 af 21 – Ljósm.: Skapti Hallgrímsson
Vegna misskilnings milli Ívars Arnar Árnasonar og Rajkovic markvarðar tókst hvorugum að koma boltanum í burtu úr teignum eftir að Valsmenn voru ágengir.
Mynd 7 af 21 – Ljósm.: Skapti Hallgrímsson
Þegar Patrick Pedersen kom aðvífandi kastaði Ívar Örn sér fyrir Valsmanninn sem náði ekki til boltans ...
Mynd 8 af 21 – Ljósm.: Skapti Hallgrímsson
... en féll eðlilega við þegar hann hljóp á andstæðinginn. Víti? Dæmi hver fyrir sig.
Mynd 9 af 21 – Ljósm.: Skapti Hallgrímsson
Vítaspyrnukeppnin hafin. Kristinn Freyr Sigurðsson skoraði úr fyrstu spyrnunni, fyrir Val. Rajkovic átti enga möguleika.
Mynd 10 af 21 – Ljósm.: Skapti Hallgrímsson
Elfar Árni Aðalsteinsson jafnar fyrir KA úr fyrsta víti norðanmann.
Mynd 11 af 21 – Ljósm.: Skapti Hallgrímsson
Patrick Pedersen skorar örugglega fyrir Val.
Mynd 12 af 21 – Ljósm.: Skapti Hallgrímsson
Ólafur Aron Pétursson jafnar fyrir KA. Ingvar Kale var nálægt því að verja.
Mynd 13 af 21 – Ljósm.: Skapti Hallgrímsson
Einar Karl Ingvarsson kemur Val yfir á ný. Rajkovic var mjög nálægt því að verja skotið.
Mynd 14 af 21 – Ljósm.: Skapti Hallgrímsson
Ingvar Kale ver örugglega vítaspyrnu KA-mannsins Josip Serdarucsic.
Mynd 15 af 21 – Ljósm.: Skapti Hallgrímsson
Ingvar Kale ver örugglega vítaspyrnu KA-mannsins Josip Serdarucsic.
Mynd 16 af 21 – Ljósm.: Skapti Hallgrímsson
Daninn Mathias Schlie kemur Val tveimur mörkum í vítakeppninni.
Mynd 17 af 21 – Ljósm.: Skapti Hallgrímsson
Davíð Rúnar Bjarnason skorar af miklu öryggi úr síðasta víti KA-mann.
Mynd 18 af 21 – Ljósm.: Skapti Hallgrímsson
Valsmenn í úrslit! Emil Atlason skorar af miklu öryggi úr síðasta vítinu.
Mynd 19 af 21 – Ljósm.: Skapti Hallgrímsson
Boltinn í markinu eftir skot Emils. Valsmenn geta fagnað!
Mynd 20 af 21 – Ljósm.: Skapti Hallgrímsson
Valsmenn fagna eftir að Emil Atlason (19) skoraði úr síðasta vítinu.
Mynd 21 af 21 – Ljósm.: Skapti Hallgrímsson