Gunnar Eyjólfsson (1926-2016)

Gunnar Eyjólfsson var heiðraður fyrir ævistarf í þágu sviðslista á Grímuverðlaunahátíðinni árið 2013.

Thor Vilhjálmsson og Gunnar Eyjólfsson saman að lokinni frumsýningu á uppfærslu Þjóðleikhússins á leikverki breska leikritaskáldsins Johns Osbornes, Horfðu reiður um öxl, árið 2000.

Gunnar Eyjólfsson og Hilmir Snær Guðnason kampakátir að lokinni frumsýningu á Horfðu reiður um öxl árið 2000.

Hrefna Hallgrímsdóttir og Gunnar Eyjólfsson í hlutverkum sínum í Sniglaveislunni árið 2001.

Gunnar og Kristjbörg Kjeld, sem léku aðalhlutverkin í kvikmyndinni 79 af stöðinni árið 1962, veittu Indriða G. Þorsteinssyni heiðursverðlaun Íslensku kvikmynda- og sjónvarpsakademíunnar á Edduverðlaununum árið 1999.

Ljósmyndarar Morgunblaðsins fylgdust með fjölbreyttu starfi Þjóðleikhússins þriðjudaginn 28. mars árið 2000. Gunnar Eyjólfsson í ham á æfingu á Draumi á Jónsmessunótt.

Gunnar óskar Nínu Dögg Filippusdóttur til hamingju eftir frumsýningu á Englabörnum í Hafnarfjarðarleikhúsinu árið 2001.

Gunnar í hlutverki Agamemnon í Óresteia. Myndin er frá árinu 2000.

Gunnar og Kristbjörg Kjeld tóku við sérstökum heiðursverðlaunum á Edduverðlaunahátíðinni árið 2001.

Gunnar fór með stórt hlutverk í kvikmyndinni Hafinu eftir Baltasar Kormák. Hér eru þeir við tökur á myndinni árið 2001.

Gunnar og Ingvar E. Sigurðsson í hlutverkum sínum í leikritinu Gestinum eftir Erich-Emmanuel Schmitt í uppsetningu Leikfélags Reykjavíkur árið 2002.

Kristinn Ingvarsson, ljósmyndari Morgunblaðsins, tók þessa mynd af Gunnari árið 2002 í tilefni af frumsýningu Hafsins.

Gunnar inn­leiddi qi gong á Íslandi, sem er kín­versk hug­leiðsla og æf­ing­ar. Myndin er tekin árið 2002 í tilefni af útkomu mynbandsins Lífsorka - qi gong með Gunnari Eyjólfssyni.

Gunnar og Kristbjörg Kjeld í hlutverkum sínum í Græna landinu eftir Ólaf Hauk Símonarson sem sýnt var í Frumleikhúsinu í Keflavík árið 2003.

Ágúst Guðmundsson leikstjóri og Gunnar við tökur á sjónvarpsmynd árið 2005.

Gunnar ásamt dóttur sinni, Þorgerði Katrínu, á landsfundi Sjálfstæðisflokksins árið 2005.

Baltasar Kormákur, Gretar Reynisson og Gunnar fengu styrki úr Minningarsjóði Stefaníu Guðmundsdóttur fyrir leikárið 2005 til 2006 við hátíðlega athöfn í Iðnó. Allir þrír áttu það sameiginlegt að hafa komið nálægt leikritinu Pétri Gaut á einn eða annan hátt. Baltasar Kormákur sem leikstjóri og höfundur leikgerðar og Gretar sem höfundur leikmyndar. Gunnar Eyjólfsson lék svo sjálfan Pétur Gaut í Þjóðleikhúsinu árið 1962.

Gunnar fékk Stjörnuspor Reykjanesbæjar árið 2007. Stjörnusporið er veitt þeim sem markað hafa spor í samfélagið og látið gott af sér leiða. Ákveðið var að heiðra Gunnar, sem var skátahöfðingi um árabil, með þessum hætti á 100 ára afmæli skátastarfs í heiminum og 70 ára afmæli Skátafélagsins Heiðabúa. Gunnar var hrærður þegar hann leit skjöldinn augum.

Gunnar ásamt dóttur sinni Þorgerði Katrínu á frumsýningu Hamskiptanna eftir Franz Kafka árið 2007.

Gunnar árið 2008 er hann lék í Hart í bak.

Gunnar las brot úr bókinni Elsku besta Binna mín eftir Kristínu Helgu Gunnarsdóttur fyrir nemendur 4. bekkjar Fellaskóla árið 2009. „Ég fékk mjög góðar undirtektir en ég notaði líka tækifærið til að vara börnin við því að byrja að reykja því við viljum ekki eyðileggja það sem við kunnum ekki að búa til,“ sagði Gunnar og átti þar við lungun.

Gunnar og Matthías Johannessen árið 2009. Þá kom Hrunadans eftir Matthías út á bók og fylgdi henni diskur með flutningi Gunnars.

Gunnar og Kristbjörg Kjeld árið 2012. „Kristbjörg gefur afskaplega mikið af sér sem leikkona,“ sagði Gunnar í viðtali við Morgunblaðið. Leiðir þeirra tveggja lágu margoft saman í leiklistinni.

Gunnar gengur af sviðinu eftir að hafa verið heiðraður fyrir ævistarf í þágu sviðslista á Grímuverðlaunahátíðinni árið 2013.

Gunnar var um tíma reglulega með qi gong-æfingu í Krabbameinsfélaginu.

Gunnar árið 2013. Í viðtali í Morgunblaðinu ræddi Gunnar um qi gong og þá miklu ábyrgð sem fylgir því að vera manneskja.

Árið 1995 var haldin kvikmyndahátíð í Regnboganum og er þessi mynd tekin við það tækifæri. Á henni eru Indriði G. Þorsteinsson og Bryndís Schram, þáverandi forstöðumaður Kvikmyndasjóðs Íslands, ásamt aðalleikurunum úr 79 af stöðinni, þeim Gunnari, Kristbjörgu Kjeld og Róberti Arnfinnssyni.