„Ég held við höfum verið yfir 18:13. Þá tók Valur leikhlé og við fórum að spila alltof varfærnislega. Við vorum að ræða þessar síðustu 12-13 mínútur inni í klefa. Að þó við séum fimm mörkum yfir þá eigum við ekki að fara í að verja forystuna, heldur halda áfram að sækja,“ sagði vonsvikinn Bjarki Sigurðsson þjálfari HK eftir fimm marka tap gegn Val, 27:22 í Olís-deild karla í handbolta í kvöld.