„Við vissum að það tækist varla að sigla auðveldum sigri í höfn gegn Val en við misstum aðeins dampinn um skeið. Valsmenn komust yfir en okkur tókst að koma til baka. En eins og eftir jafnteflisleiki þá veltir maður leiknum fyrir sér og þegar ég lít til baka yfir þennan leik þá er ég pínulítið svekktur," sagði Jóhann Gunnar Einarsson, leikmaður Aftureldingar eftir jafnteflið við Val, 28:28, þegar efstu lið Olís-deildar mættust að Varmá í kvöld.