Stephen Nielsen, hinn danski markvörður Vals í handknattleik, átti enn einn stórleikinn í kvöld þegar liðið lagði Hauka, 33:26, í Olís-deildinni. Nielsen varði 23 skot, þar af 14 í fyrri hálfleik, og gaf sig á tal við mbl.is eftir leikinn. Hann hefur búið hér á landi í eitt og hálft ár en talaði nánast lýtalausa íslensku við blaðamann sem þurfti ekki að rifja upp menntaskóladönskuna.