„Við vorum of spenntir framan af leiknum. Menn voru með hugann við leikinn í Mýrinni," sagði Einar Andri Einarsson, þjálfari Aftureldingar, eftir sigur, 28:24, á ÍR í næst síðustu umferð Olís-deildar karla í handknattleik að Varmá í kvöld. Mosfellingar voru lengi í gang og segir Einar það vera vegna þess að fyrir leikinn í kvöld átti Afturelding enn möguleika á að leika úrslitaleik við Val í lokaumferðinni á fimmtudagskvöldið.