„Svo virðist sem meiðslin séu ekki eins alvarleg og óttast var í upphafi. Pétur sjúkraþjálfari heldur að það sé ekkert slitið,” sagði Gunnar Magnússon, þjálfari Hauka, eftir sigurinn á ÍBV í undanúrslitum Íslandsmóts karla í handknattleik. Gunnar var spurður út meiðsli Tjörva Þorgeirssonar, leikstjórnanda liðsins. Hann var borinn af leikvelli eftir um 10 mínútur og óttast að meiðslin væru grafalvarleg.