Samt átti maður eitthvað inni

ÍÞRÓTTIR  | 23. júlí | 12:15 
„Það er svolítið erfitt að jafna sig eftir að hafa dottið úr keppni. Maður er ennþá að reyna að jafna sig,“ sagði Sara Björk Gunnarsdóttir, landsliðsfyrirliði í knattspyrnu, eftir æfingu landsliðsins í dag nú þegar ljóst er að Ísland kemst ekki í 8-liða úrslit EM í Hollandi.

„Það er svolítið erfitt að jafna sig eftir að hafa dottið úr keppni. Maður er ennþá að reyna að jafna sig,“ sagði Sara Björk Gunnarsdóttir, landsliðsfyrirliði í knattspyrnu, eftir æfingu landsliðsins í dag nú þegar ljóst er að Ísland kemst ekki í 8-liða úrslit EM í Hollandi.

Ísland tapaði fyrir Sviss og Frakklandi í fyrstu tveimur leikjum sínum og er á heimleið eftir lokaleik sinn í riðlinum, gegn Austurríki á miðvikudaginn. Skýrt markmið íslenska liðsins var að komast í 8-liða úrslit:

„Við settum okkur stór og háleit markmið fyrir mótið og það er mjög svekkjandi að komast ekki upp úr riðlinum. Svona er þetta bara. Við lögðum allt í sölurnar en samt eru margir hlutir sem við hefðum getað gert betur sem lið og einstaklingar. Við höldum áfram að vinna í þeim,“ sagði Sara. Spurð um eigin frammistöðu í mótinu svaraði fyrirliðinn:

„Mér fannst ég gefa allt í verkefnið, en ég hefði viljað vera meira í leiknum — fá boltann meira. Auðvitað vill maður ekki segja að maður eigi eitthvað inni, því maður gaf allt sem maður átti, en samt átti maður eitthvað inni.“

Nánar er rætt við Söru í meðfylgjandi myndskeiði.

Þættir