Að venju var Logi Gunnarsson sprækur í viðtali eftir að Njarðvíkingar höfðu landað 86:77-sigri gegn Hetti í Dominos-deild karla í körfubolta í kvöld. Jafnvel þó naumt hafi verið sagði Logi að liðið tæki sigrinum fegins hendi. Logi játaði að ákveðið vanmat hafi plagað hans lið og um leið hrósaði liði Hattar sem átti í fullu tré við KR nú á dögunum. Logi játaði að frammistaða liðsins síðustu daga hafi verið undir pari en nú yrði farið yfir hlutina í jólafríinu.