Íslenska kvennalandsliðið í körfubolta leikur æfingaleiki gegn Danmörku á Ásvöllum á miðvikudagskvöld og í Stykkishólmi á fimmtudagskvöld, en þetta verða fyrstu landsleikir liðsins á Íslandi frá árinu 2009. Ívar Ásgrímsson stýrir íslenska landsliðinu í leikjunum í fyrsta sinn frá því hann var ráðinn landsliðsþjálfari, en íslenska kvennalandsliðið undirbýr sig fyrir Evrópukeppni smáríkja þar sem Ísland mætir Möltu og Gíbraltar í Austurríki um miðjan júlí.