„Það var erfitt að brjóta Þróttarana niður. Þeir voru baráttuglaðir og vel skipulagðir og engin tilviljun kannski að þeir náðu að leggja Stjörnuna að velli í 16-liða úrslitunum. En ég var virkilega ánægður með að við héldum bara áfram þó að þetta hefði ekki alltaf verið flottur fótbolti sem við spiluðum. Við sköpuðum ekkert rosalega mörg færi, en þó nokkur, en náðum ekki að nýta þau. Við vorum líka þéttir til baka. Þróttararnir náðu ekki að nýta nein færi í þessum leik og það var gott. Það var líka ljúft að sjá Gunna skalla boltann inn þarna í restina,“ sagði Sigurður Ragnar Eyjólfsson þjálfari ÍBV í kvöld.