„Úrslitin eru gríðarleg vonbrigði. Mér fannst við vera vel undirbúnir og mættum kraftmiklir til leiks og vera líklegra liðið til að skora fyrstu mínúturnar. En svo fengum við á okkur mark eftir hornspyrnu meðan Bjarni Ólafur lá óvígur fyrir utan völlinn. Markið fannst mér koma gegn gangi leiksins, en svo komu tvö mörk í kjölfarið sem gerðu út um leikinn,“ sagði Magnús Gylfason þjálfari Vals eftir 4:1 tap hans manna gegn KR í 12. umferð Pepsi-deildar karla í knattspyrnu á Vodafone-vellinum að Hlíðarenda í dag.