„Við munum kannski ekki sækja stíft í upphafi leiks. Við vitum að markalaust jafntefli fleytir okkur áfram. En við þurfum samt að passa okkur á því að spila bara ekki einhvern varnarleik og liggja í skotgröfunum. Við þurfum líka að geta haldið boltanum innan liðsins og sótt og reynt að skora mörk,“ sagði Heimir Guðjónsson þjálfari FH í dag, en FH-ingar mæta hvít-rússneska liðinu Neman Grodno í síðari leik liðanna í 2. umferð Evrópudeildar UEFA á Kaplakrikavelli annað kvöld.