„Ég er gríðarlega ánægður með að komast áfram og mér fannst þetta ágætis leikur hjá FH. Unnum 2:0 og héldum markinu hreinu. Við lögðum upp með það í leiknum að fá ekki á okkur mark, því við vissum það að þeir þyrftu mark,“ sagði Heimir Guðjónsson þjálfari FH eftir 2:0-sigur liðsins á hvítrússneska liðinu Neman Grodno í 2. umferð forkeppni Evrópudeildar UEFA í knattspyrnu í kvöld.