„Það er mikið um jafntefli hjá okkur þessa dagana og við vorum einmitt að ræða það að það væri eiginlega bara erfitt að vinna fótboltaleiki. En við áttum möguleika á því í dag miðað við hvernig fyrri hálfleikur spilaðist. Við ætluðum líka að nýta okkur vindinn í síðari hálfleik. En því miður náðum við ekki að sýna nógu góðan fótbolta og koma okkur í betri færi,“ sagði Ágúst Gylfason þjálfari Fjölnis meðal annars eftir 1:1-jafntefli Fjölnis og Keflavíkur í 17. umferð Pepsi-deildar karla í knattspyrnu í kvöld.