Sjötta myndin í röð stuttmynda sem MBL Sjónvarp sýnir á sunnudögum í samvinnu við Kvikmyndaskóla Íslands heitir Kennitölur. Leikstjóri og handritshöfundur er Hallur Örn Árnason og er myndin útskriftarverkefni hans frá skólanum. Myndin er í senn grín og ádeila og fjallar um skólabörn sem að neyðast til þess að taka ábyrgð á fjárhagslegum „mistökum“ foreldra sinna, eins og segir í tilkynningu.