Tvö íslensk verkefni hlutu verðlaun Evrópska skólanetsins

Tvö íslensk verkefni hlutu verðlaun Evrópska skólanetsins um bestu notkun á upplýsingatækni í skólastarfi. Annað verkefnið er eftir Salvöru Gissurardóttur, kennara við framhaldsdeild Kennaraháskóla Íslands, en hitt er eftir Maríu B. Kristjánsdóttur og Sigurlaugu Kristmannsdóttur, kennara í Fjölbrautaskólanum við Ármúla. Hátt í 800 verkefni bárust í keppnina og komust 16 þeirra í úrslit.

Verkefni Salvarar er vefur fyrir námskeiðið Nám og kennsla á Netinu sem hún kennir við framhaldsdeild Kennaraháskóla Íslands. Sá vefur varð í 4. til 12. sæti í aðalkeppninni.

Verkefni Maríu og Sigurlaugar hreppti fyrsta sæti í flokki raungreinaverkefna. Um er að ræða vef sem notaður er við kennslu í líffræði. Fjölbrautaskólinn við Ármúla hefur undanfarin fjögur ár tekið þátt í þróunarskólaverkefni á vegum menntamálaráðuneytisins.

Höfundum íslensku verkefnanna var boðið til Stokkhólms þar sem þeir tóku við verðlaununum í gamla þinghúsinu 21. nóvember sl.

Samkeppnin fór fram í tengslum við eSchola 2002 sem var viðburður sem Evrópska skólanetið stóð að sl. vor. Í fyrra hreppti íslenskt verkefni þriðju verðlaun í þessari keppni. Verðlaunasamkeppni eSchola 2003 verður haldin 7. apríl til 9. maí og gefst þá kostur á að senda inn verkefni.

Vefur Sigurlaugar og Maríu

Vefur Salvarar

Evrópska skólanetið

Upplýsingar um verðlaunasamkeppnina

mbl.is
Borðstofuborð
Til sölu borðstofuborð. 180cm x100 með 2x 55 cm stækkunum. Verðhugmynd 50.000 ...
Mánatún 3ja herb. m. stæði í bílagemyslu
Glæsileg 3ja herb. íbúð á 5 hæð með stæði í bílageymlsu til leigu. Allar innrétt...
 
Aðalfundur
Fundir - mannfagnaðir
AÐALFUNDUR Aðalfundur Ísfélags Vestmann...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður m./leiðb. kl...
Skrifstofustjóri
Stjórnunarstörf
Skrifstofustjóri óskast til starfa hjá ...