Aðeins fáeinar sígarettur á dag geta verið stórskaðlegar

Að reykja einungis eina til fjórar sígarettur á dag allt að því þrefaldar hættuna á banvænum hjartasjúkdómi, að því er norskir vísindamenn hafa komist að. Benda niðurstöður þeirra ennfremur til þess að hættan sé meiri fyrir konur en karla.

Frá þessu greinir fréttavefur breska ríkisútvarpsins, BBC.

Við gerð rannsóknarinnar var fylgst með heilsufari og dánartíðni hjá allt að 43.000 manns frá miðjum áttunda áratugnum og til 2002. Niðurstöðurnar eru birtar í tímaritinu Tobacco Control.

Meðal þess sem fram kemur, er að samanborið við þá sem aldrei höfðu reykt var körlum og konum sem reyktu á bilinu eina til fjórar sígarettur á dag hátt í þrisvar sinnum hættara við að deyja úr hjartasjúkdómum.

Hjá konum juku ein til fjórar sígarettur á dag hættuna á banvænum lungnakrabba allt að því fimmfalt. Hjá körlum var aukningin þreföld. Mælingin á þessu var þó gerð á það fáum körlum að niðurstaðan telst varlega marktæk.

Höfundur rannsóknarinnar, Kjell Bjartveit, segir að af niðurstöðunum sé ekki unnt að draga neinar ályktanir um hvaða áhrif reykingar öðru hvoru - eins og til dæmis ef reyktar eru fáeinar sígarettur í partíi á laugardagskvöldi - hefði á heilsufarið til langs tíma litið.

Aðrir vísindamenn hafa látið í ljósi nokkrar efasemdir um norsku rannsóknina og bent á að aðrar stórar rannsóknir hafi ekki leitt í ljós að ef reyktar séu innan við tíu sígarettur á dag auki það hættuna á hjartasjúkdómum.

mbl.is
Til sölu STIGA Garden sláttutraktor
Lipur, léttur og meðfærilegur. 12,5 ha. Briggs&Stratton mótor, rafstart, bakkgír...
Skrifstofuhúsnæði til leigu í miðbænum
Til leigu er bjart og fallegt skrifstofuhúsnæði í miðbænum. Allt að 10 vinnustöð...
Honda SLR 650
Til sölu Honda SLR 650. Árg. 1998 Ekið rúml. 25 þús., vel með farið. Verð 350...
Nudd Nudd Nudd
Relaxing Massage DownTown Reykjavik. S. 6959434 Alina...
 
Félagsstarf aldraðra
Staður og stund
Árskógum 4 Félagsstarfið er með opið í s...
Félagsstarf aldraða
Staður og stund
Árskógum 4 Félagsstarfið er með opið í s...
Félagstarf aldraðra
Staður og stund
Árskógum 4 Félagsstarfið er með opið í s...
Framhald
Nauðungarsala
Uppboð Einnig birt á www.naudungarsolu...