Allur matur góður ef hann er merktur McDonalds

McDonalds nægir að merkja vöru með gullna emminu.
McDonalds nægir að merkja vöru með gullna emminu. AP
Matur smakkast betur ef hann er merktum með gullnu emmi McDonalds skyndibitakeðjunnar, að mati þriggja til fimm ára gamalla bandarískra barna. Þetta kemur fram í nýrri rannsókn sem gerð var að bandarískum vísindamönnum.

Rannsakendur frá læknadeild Stanford háskóla og barnaspítala í Kaliforníu gáfu 63 börnum tvo skammta af kjúklinganöggum, hamborgurum, frönskum kartöflum, litlum gulrótum og mjólk. Annar skammturinn var í pakkningu merktum McDonalds, en hinn var í ómerktum umbúðum.

Kjúklinganaggarnir, hamborgararnir og frönsku kartöflunar voru frá McDonalds. Gulræturnar og mjólkin voru úr matvörubúð. Börnin voru beðin um að smakka á báðum skömmtum og úrskurða hvor þeirra væri betri, eða hvort þeir smökkuðust eins.

Börnin sögðu naggana, frönskurnar, gulræturnar og mjólkina sem merkt var McDonalds vera mun betri, þrátt fyrir að um nákvæmlega sömu vöru væri að ræða.

Stjórnandi rannsóknarinnar segir hana sýna hversu mikil áhrif vörumerki hafa á fólk, allt niður í þriggja til fjögurra ára gömul börn. Þá sagði hann auglýsingaherferðir McDonalds skýra smekk barnanna. „Enginn annar eyðir jafnmiklu í markaðssetningu sem beinist að börnum,“ sagði hann.

McDonalds eyðir um einum milljarði á ári í auglýsingar í Bandaríkjunum og áætlað er að bandarísk börn á aldrinum tveggja til ellefu ára sjái um 5.500 matarauglýsingar á ári.

mbl.is

Bloggað um fréttina

Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Pennar
...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Opin vinnustofa kl. 9 og j...
Félagsstarf
Staður og stund
Aflagrandi 40 Við byrjum daginn á opnu v...
Félagsstarf
Staður og stund
Aflagrandi 40 Opin vinnustofa kl. 9 og f...