Leiðinlegasti sjónvarpsþáttur í heimi?

Sjónvarpstækjaframleiðendur og sjónvarpsstöðvar hafa tekið höndum saman og búið til „sjónvarpsþátt“ sem kann að vera sá leiðinlegasti í heimi. Tilgangurinn er að mæla orkunotkun nýjustu kynslóða sjónvarpa, að því er Orkustaðlastofnunin í Sviss greindi frá í dag.

Ætlunin er að finna staðlaða aðferð við að mæla hversu mikla orku plasma- og LDC-sjónvarpstæki nota. Ef hún reynist meiri en orkan sem fyrri kynslóðir sjónvarpstækja þurfa kann það að auka eftirspurn eftir orku og því hugsanlega hafa áhrif á loftslagsbreytingar.

Skeytt hefur verið saman brotum úr allskyns sjónvarpsefni, allt frá sápuóperum og íþróttaþáttum yfir í náttúrulífsmyndir, í samræmi við hlutfall þessa efnis í sjónvarpsútsendingum í heiminum. Orkan sem sjónvarpstæki nota er mismunandi mikil eftir efni útsendingarinnar sem tækin taka við.

Úr varð tíu mínútna samhengislaus „þáttur“ sem fjallar ekki um neitt, og segir talsmaður svissnesku stofnunarinnar að þetta sé ekki ósvipað og stillimynd.

• 6 blogg um fréttina

Bloggað um fréttina

• Árni Gunnar Ásgeirsson: Leiðinlegasta frétt í heimi
• Þorsteinn Gunnarsson: Að sækja vatnið yfir lækinn
• Þorsteinn Sverrisson: Maður er nefndur #173
• Vinir Ketils bónda, áhugamannafélag: Gleymum ekki Teiknileikni...
• Fanney Björg Karlsdóttir: Sjónvarpskvöld......
• Kristján Hreinsson: Þeir hafa ekki heyrt um RUV