Framtíðarbíll gerir bakkgírinn óþarfan

Japönsku bílasmiðjurnar Nissan sýndu nýverið hugmyndabíl sem ætti að falla þeim í geð sem eiga í erfiðleikum með að bakka í stæði. Á bílnum er snúningshús sem gerir að verkum að í stað þess að bakka eða snúa bílnum við getur ökumaðurinn snúið húsinu og ekið í hina áttina án þess að snúa undirvagninum.

Bíllinn kallast Pivo 2 og rafknúinn. Öll hjólin á honum geta ennfremur beygt í 90° og því er auðvelt um vik að leggja bílnum. Masahiko Tabe, yfirmaður bílaþróunardeildar Nissan, sagði að þessum bíl gæti maður ekið „án þess að hafa áhyggjur af ökuleikni sinni.“

Í bílnum er einnig vélrænn skynjari sem fylgist með tjáningu ökumannsins og ræðir við hann í samræmi við hugarástand hans, segir Nissan. Er skynjarinn mæltur á ensku og japönsku, og getur m.a. róað æstan ökumann eða vakið ökumann sem dottar undir stýri.

• 3 blogg um fréttina

Bloggað um fréttina

• Gísli Foster Hjartarson: Bíll fyrir konur!
• Billi bilaði: Fram, fram, aldrei að bakka
• Hilmar Guðmundsson: Gallar