Yfir milljón tölvuóværur í umferð

Yfir milljón tölvuóværur eru í umferð. Vírusar, ormar og trójuhestar sem herja á tölvur hafa náð nýju hámarki. Þessu greindi hugbúnaðar- og hönnunarfyrirtækið Symantec frá en það hefur nú lokið við umfangsmikla rannsókn.

Meirihluti tölvuóværanna sem í umferð eru voru búnar til á síðustu 12 mánuðum. „Nærri 2/3 hlutar óværa sem fundust voru búnar til árið 2007,“ segir í skýrslunni frá Symantec.

Tölvuþrjótar senda frá sér hugbúnað inn á veraldarvefinn sem veldur skaða vísvitandi. Hugbúnaðir þessir blekkja gjarnan vírusvarnir sem leita að ákveðnum einkennum sem þekkt eru og þær hafa áður greint, að því er fram kemur á fréttavef BBC.

• 6 blogg um fréttina

Bloggað um fréttina

• Tómas Þráinsson: Fyndið, að mörgu leiti
• Sigurpáll Ingibergsson: Krákan
• Ólafur Björnsson: Meira nördatal - Góð ráð
• Gunnar Th. Gunnarsson: Hverjir dreifa óværunni?
• Texi Everto: Og aldrei er sú stærsta nefnd!
• Snorri Óskarsson: Varnir okkar fyrir