Auðveldar Google Earth hryðjuverk?

Taj Mahal hótelið í Mumbai séð úr Google Earth forritinu
Taj Mahal hótelið í Mumbai séð úr Google Earth forritinu

Indverskir dómstólar hafa verið hvattir til þess að banna tölvuforritið Google Earth þar sem talið er að forritið hafi verið notað til að skipuleggja hryðjuverkaárásirnar í Mumbai í nóvember. Forritið er ókeypis og veitir aðgang að lítarlegum loftmyndum flestra borga heims.

Lögfræðingurinn Amit Karkhanis lagði inn beiðni til dómstóla um að myndir af viðkvæmum stöðum á Indlandi verði ruglaðar í forritinu þar til úrskurður hafi fengist í málinu, þetta kemur fram á fréttavef The Times.

Talið er að byssumennirnir sem urðu yfir 170 manns að bana í Mumbai og fólkið sem þjálfaði þá hafi nýtt sér hátækni við árásirnar m.a. notað háþróuð GPS tæki til að sigla í höfn í Mumbai. Þá hafi þeir hafi átt samskipti um gervihnött, notað farsíma með mismunandi SIM kortum auk þess að hafa nýtt sér internetið með aðstoð Blackberry síma.

Að sögn lögreglunnar í Mumbai segir eini árásarmaðurinn sem handtekinn var eftir árásirnar að hryðjuverkamennirnir hafi nýtt sér gervihnattamyndir til að kynna sér gatnakerfið í Mumbai.

Árið 2005 féllst Google fyrirtækið á að rugla myndir af þaki Hvíta hússins í Washington þegar myndir af því voru uppfærðar. Þá hafa yfirvöld í Suður-Kóreu og Taílandi einnig lagt fram kvartanir eftir að herflugvellir voru sýndir í forritinu.

mbl.is
Bisley skjalaskápur
Til sölu Bisley skjalaskápur með skjalamöppum.4ra skúffu folio A-4+. Dökkgrár ...
Clavis poetica
Clavis Poetica, Benedikt Gröndal/Sveinbjörn Egilsson, Hafnia 1864. Uppl. í s. 77...
 
Deiliskipulag
Tilkynningar
Rangárþing ytra Auglýsing um skipula...
Foroya landstýri announcement
Tilkynningar
Announcement Føroya Landsstýri - ...
Félagsstarf aldraða
Staður og stund
Árskógum 4 Félagsstarfið er með opið í s...
Endurskoðun hveravalla
Tilkynningar
Mat á umhverfisáhrifum Endu...