Segja Microsoft ekki ganga nógu langt

Norska hugbúnaðarframleiðandinn Opera ASA, sem m.a. framleiðir samnefndan netvafra, segir að yfirlýsing bandaríska hugbúnaðarframleiðandans Microsoft um að ný útgáfa af stýrikerfinu Windows verði seld í Evrópu án netvafrans Internet Explorer, nægi ekki til að opna fyrir samkeppni á netvaframarkaði.

„Ég tel ekki að yfirlýsing Microsoft dugi til að endurreisa samkeppni," sagði Hakon Wium Lie, tæknistjóri Opera, við Reutersfréttastofuna. „Ég held ekki að þeir verði lausir allra mála."

Búist er við að framkvæmdastjórn Evrópusambandsins kveði upp úrskurð í máli, sem hófst gegn Microsoft í janúar á þeirri forsendu, að Microsoft misnoti yfirburðastöðu sína á markaði fyrir tölvustýrikerfi með því að láta netvafrann Internet Explorer fylgja með Windows stýrikerfinu. Þannig komi Microsoft í veg fyrir samkeppni frá öðrum hugbúnaðarfyrirtækjum. 

Microsoft hefur til þessa haldið því fram, að IE væri órjúfanlegur hluti af stýrikerfinu og ekki væri hægt að fjarlægja hann. Í gærkvöldi sagði fyrirtækið hins vegar að Windows 7, sem kemur á markað í október, verði selt án IE í Evrópu. 

Wium Lee sagði, að þessi ákvörðun myndi ekki hafa nein áhrif á yfirburðastöðu Internet Explorer. Nær væri, að láta nokkrar tegundir netvafra fylgja með stýrikerfinu og neytendur gætu þá valið hverja þeir vilja nota.   

mbl.is

Bloggað um fréttina

Glæsilegur lampi og skápur úr Tekki
Til sölu ca 60ára gamall lampi/skápur.Lítur mjög vel út. verð kr 38.000 uppl 8...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
 
Eldri borgarar
Staður og stund
Aflagrandi 40 Opin vinnustofa kl. 9, nem...
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
Matsveinn
Sjávarútvegur
Matsveinn Vísir hf óskar eftir...