Google verndi lesendur
Áætlanir Google um að skanna inn bækur og koma upp stærsta stafræna bókasafni heims hafa nú vakið efasemdir hjá nokkrum mannréttindasamtökum um friðhelgi einkalífs lesenda.
Í bréfi til Eric Schmidt, framkvæmdastjóra Google, frá samtökunum lýstu þau yfir „miklum áhyggjum“ yfir því að Google Book Search-verkefnið veitti ekki lesendum ekki nægilega mikið öryggi enda myndi Google safna upplýsingum um hvaða bækur fólk sækti, hvaða bækur það læsi og jafnvel eftir hverju fólk leitaði.
Í bréfinu sagði að Google hefði „alls ekki útskýrt nægjanlega vel hvernig það hygðist vernda lesendur og friðhelgi einkalífs þeirra í þessu tröllaukna verkefni.“
„Í ljósi þess að ríkisstjórnir og aðrir aðilar hafa löngum reynt að þvinga bókasöfn til að leggja fram skrár og upplýsingar um lesendur er mikilvægt að Google hafi nægilega góðar varnir fyrir lesendur svo ekki sé hægt að nálgast persónu-upplýsingar um þá.“
Í bloggfærslu í gær sagði Dan Clancy, umsjónarmaður verkefnisins hjá Google, að öryggi lesenda skipti fyrirtækið miklu máli og viðeigandi ráðstafanir yrðu gerðar.
-
Annan segir morðin hryllileg
-
Bretar æfa sig fyrir demantsafmælið
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú























