Vatn fannst á tunglinu

Það hefur komið vísindamönnum á óvart hversu mikið vatn er að finna í jarðvegi á tunglinu. Þrjú geimför, m.a. indverska könnunarfarið Chandrayaan, hafa sýnt fram á að örþunn vatnsfilma þeki agnirnar sem mynda jarðveginn á tunglinu.

Fram kemur á fréttavef BBC að um mjög lítið magn sé að ræða. Upplýsingarnar geti hins vegar reynst gagnlegar fyrir geimfara, sem vilji búa á tunglinu.

„Ef þú ert með einn kúbikmetra af tungljarðvegi þá gætirðu kreist hann og fengið einn lítra af vatni,“ segir bandaríski vísindamaðurinn Larry Taylor.

Hingað til gátu vísindamennirnir ekki útilokað að vatnið, sem mældist í jarðvegssýnunum sem var safnað saman í Apollo-geimferðunum, hafi komist í jarðveginn eftir komuna til jarðar.

Nú hefur Chandrayaan-1 könnunarfarið, sem er fyrsta geimfarið sem Indverjar senda á sporbaug um tunglið, staðfest að vatn sé að finna á tunglinu.

Tveir gervihnettir til viðbótar, Deep Impact hnöttur Bandaríkjanna, og evrópski Cassini hnötturinn, stutt niðurstöður Chandrayaan.

• 5 blogg um fréttina

Bloggað um fréttina

• Benedikt Halldórsson: Við getum treyst tunglinu
• Guðmundur Ásgeirsson: Vatn hefur fundist á tunglinu!
• S i g u r ð u r S i g u r ð a r s o n: Engin er þó froslyftingin og ekkert hrím
• Stjörnufræðivefurinn (www.stjornufraedi.is): Árekstur við tunglið í næsta mánuði
• Halldór Björgvin Jóhannsson: Spennandi fréttir.