Reykingar á meðgöngu eru sagðar slæmar fyrir geðheilsu barna. AP

Mæður sem reykja á meðgöngu setja börn sín í aukna áhættu á því að stríða við geðræn vandamál, svo sem ranghugmyndir og ofskynjanir. Rannsókn á vegum háskólanna í Cardiff, Notthingham, Bristol og Warwick bendir til þess, en hún er hluti af rannsókn sem lengi hefur veri ðí gangi, og kallast Avon Longditudinal Study of Parents and Children. Er þar reynt að skoða hvernig erfðir og umhverfi hafa áhrif á heilsu fólks.

Rannsóknin sem hér um ræðir var gerð í Bretlandi á meðal tólf ára barna. Niðurstaðan var sú að ef mæður barnanna höfðu reykt á meðgöngu voru 20% meiri líkur á því að börnin stríddu við fyrrnefnd vandamál. Tengingin var hins vegar 84% sterkari ef mæðurnar höfðu reykt 20 sígarettur á dag eða meira. Greint er frá þessu í tímaritinu British Journal of Psychiatry.

Alls sögðust 11% barnanna hafa upplifað ofskynjanir eða ranghugmyndir á síðustu sex mánuðum. Einnig var notkun mæðranna á kannabisefnum og áfengi skoðuð. Engin tenging fannst hvað kannabis varðar en aðeins þegar mæðurnar höfðu drukki meira en 22 áfenga drykki á meðgöngunni jukust líkurnar á geðrænum vandamálum barnanna.

Á vef BBC segir að um 15% breskra mæðra reyki á meðgöngu.