Játa á sig ýkjur um bráðnun jökla

Loftslagsnefnd Sameinuðu þjóðanna, IPCC, sætir nú harðri gagnrýni vegna skýrslu sem hún birti 2007 en þar er sagt „mjög líklegt“ að allir jöklar í Himalajafjöllum verði horfnir árið 2035 og jafnvel fyrr vegna hlýnunar andrúmsloftsins.

Engar rannsóknir munu vera að baki fullyrðingunni, aðeins byggt á viðtali við vísindamann á sviði jöklafræði, Dr. Syed Hasnain, í ritinu New Scientist árið 1999.

Að sögn The New York Times segir Hasnain auk þess að rangt hafi verið haft eftir honum í viðtalinu. Hann hefur síðar sagt að rannsóknir hans bendi til þess að einvörðungu litlir jöklar gætu horfið algerlega. Umhverfisráðherra Indlands, Jairam Ramesh, segir staðhæfinguna vera markleysu.

Sjá nánar í Morgunblaðinu í dag.