Google buzz

Google hefu nú kynnt til sögunnar nýtt samskiptatæki á internetinu undir nafninu Buzz. Þjónustan er beintengd Gmail póstforritinu og gerir notendum þess kleift að birta stöðupósta, deila efni með öðrum og lesa og gera athugasemdir við færslur „vina".

Google buzz er sett á markaðinn til höfuðs hinum gríðarlega vinsælu samskiptasíðum Twitter og Facebook. Google tekst með þesu á við töluverða áskorun, því þrátt fyrir að byggja á stórum grunni Gmail notenda, sem eru 170 milljónir talsins, kemst sá hópur ekki með tærnar þar sem Facebook hefur hælana með sínar 400 milljónir notenda.  Buzz býður hinsvegar upp á fjölmarga áhugaverða möguleika, ekki síst fyrir farsímanotendur.

Þetta er ekki í fyrsa skipti sem Google reynir að söðla undir sig lendur samskiptavefja á vefnum Árið 2004 kynnti það til sögunnar vefinn Orkut, en þrátt fyrir að Orkut hafi náð vinsældum í löndum s.s. Brasilíu og Indlandi hefur hann algjörlega fallið í skuggann af Facebook víðast hvar annars staðar.

Facebook er um þessar mundir langvinsælasa samskiptasíða heims. Í síðustu viku voru gerðar enn einar breytingarnar á síðunni sem eru til þess gerðar að auðvelda notendum að leita að skilaboðum og spjalla sín á milli.