Flugvél gengur fyrir sólarorku
Ný tilraunaflugvél, með vænghaf á borð við Boeing 747 farþegaþotu og hreyfil með álíka afl og utanborðsmótor, fór á loft í fyrsta skipti í dag. Var vélinni flogið yfir Sviss í 1½ klukkustund. Til stendur að reyna að fljúga vélinni umhverfis jörðina.
Svissneski ævintýramaðurinn Bertrand Piccard hefur látið hanna flugvélina en hann áformar að fljúga henni umhverfis jörðina árið 2012. Piccard setti heimsmet árið 1999 þegar hann flaug loftbelg án viðkomu umhverfis jörðina.
Flugvélin fór á loft á 45 km hraða eftir stutt flugtak. Hún hækkaði flugið hægt og hægt og sveimaði síðan yfir svissneskum sveitum um hríð. Flugvélin fór enn hægar þegar hún lenti og sveif lengi rétt yfir flugbrautinni áður en hjólin snertu hana.
Markus Scherdel, reynsluflugmaður, sem flaug vélinni, sagði að tilraunin hefði sýnt að hægt væri að taka á loft og lenda í vélinni af öryggi. Vélin væri hins vegar ekki hönnuð fyrir flugkúnstir.
-
Annan segir morðin hryllileg
-
Bretar æfa sig fyrir demantsafmælið
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú























