Plásturinn sem vísindamennirnir eru að þróa.

Bandarískir vísindamenn segja að sérstakur plástur með bóluefni geti mögulega dregið úr þörfinni að notkun sprautna framtíðinni. Þá segja þeir að plástrarnir geti auðveldað og aukið almenna bólusetningu gagnvart sjúkdómum á borð við flensu.

Mörg hundruð örsmáar nálar eru á plástrinum. Þær komast í gegnum ytra húðlagið og leysast síðan upp.

Vísindamenn við Georgia Institute of Technology, segja að plásturinn sé að öllum líkindum árangursríkari við bólusetningu en hefðbundnar sprautur. Þetta hafi rannsóknir á músum leitt í ljós. Þeir greina frá því í vísindaritinu Nature að fólk geti mögulega séð um að bólusetja sig sjálft með plástrinum í framtíðinni.

Þeir gerðu tilraunir á músunum með bóluefni gegn flensu. Mýs fengu annað hvort plásturinn, með eða án bóluefni, eða var gefið efnið með sprautu. Þær voru síðan sprautaðar með flensuveirunni.

Þremur mánuðum síðar kom í ljós að plásturinn með bóluefninu hafi reynst betur gegn flensunni en hefðbundin sprauta.

Frekari prófanir eru framundan. Gefi þær góða raun er talið að plásturinn geti tekið alfarið við af sprautunni. Fólk geti í raun bólusett sjálft sig með því að setja á sig slíkan plástur. Þá yrði einnig auðveldara að bólusetja mikinn fjölda fólks í einu, t.d. þegar heimsfaraldur gengur yfir.

Vefur Georgia Institute of Technology.