Mígreni eykur líkur á hjartasjúkdómum

 Niðurstaða rannsóknar á vegum Hjartaverndar, unnin í samvinnu við Háskóla Íslands, National Institute of Aging og Uniformed Services University of the Health Sciences í Bandaríkjunum sýnir fram á að fólk á miðjum aldri sem þjáist af mígreni höfuðverkjum ásamt áru (þ.e. sjóntruflunum, svima og dofa sem eru undanfari mígrenikasts) deyr frekar vegna hjarta- og æðasjúkdóma en þeir sem ekki þjást af slíkum höfuðverk. Einstaklingar með mígreni án áru reyndust hins vegar ekki vera í aukinni áhættu. Þetta kemur fram í tilkynningu frá Hjartavernd en fjallað er um rannsóknina í læknatímariti British Medical Journal í dag.

„Þetta er í fyrsta sinn sem niðurstöður hóprannsóknar með langtíma eftirfylgni sýna fram á þessi tengsl. Jafnframt styðja niðurstöðurnar nýlegar rannsóknir sem benda til tengsla milli mígrenis og þá sérstaklega mígrenis með áru og aukinna dánarlíkna vegna hjartasjúkdóma.

Þessar auknu dánarlíkur eru þó umtalsvert minni en áhættan sem fylgir mikilvægustu áhættuþáttum hjarta og æðasjúkdóma eins og háþrýstingi, hækkuðum blóðfitum og reykingum. Niðurstöðurnar ber því að skoða í því samhengi þótt vissulega sé þetta skref til að skilja betur þróun og áhættu á kransæðasjúkdómi. Enn á eftir að rannsaka hvort meðferð sem leiðir til fækkunar mígrenikasta muni einnig leiða til minni áhættu á hjarta- og æðasjúkdómum hjá einstaklingum með mígreni með áru," segir í tilkynningu

mbl.is

Bloggað um fréttina

Renault Megane 2007
Renault Megane 20007 - ekinn um 96.000 km, vel við haldið, skoðaður 2017, næsta ...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Einstaklingsíbúð óskast
Námsmaður utan af landi, sem einnig er í vinnu, leitar að lítilli leiguíbúð frá...
Trúlofunar- og giftingarhringar í úrvali
Auk gullhringa eigum við m.a. hvítagull, silfur og titaniumpör á fínu verði. Dem...
 
Skipulagsmál
Tilkynningar
Rangárþing ytra Auglýsing um skipulags...
Félagsstarf
Staður og stund
Aflagrandi 40 Opin vinnustofa kl. 9 og j...
Félagsstarf
Staður og stund
Aflagrandi 40 Opin vinnustofa kl. 9 og b...
Aðalfundur
Fundir - mannfagnaðir
Aðalfundur Aðalfundur Vör...