Danskt geimskot mistókst
Hópur danskra geimáhugamanna, Suborbitals, varð í dag að sætta sig við að tilraun þeirra til að skjóta eldflaug með geimfari upp í 30 km hæð mistókst vegna tæknibilunar. Markmiðið er að geta boðið upp á hræódýra geimferð fyrir einn og var brúða í líkamsstærð í geimfarinu.
Skotstöðin er í bækistöð hersins skammt frá Borgundarhólmi og lánuðu stjórnvöld hópnum aðstöðuna. Geimfarið verður sent í boga upp í himinhvolfið og á að ná mest um 100 km hæð, þ. e. rétt út fyrir gufuhvolfið. Plássið er mjög lítið, með naumindum að maður geti troðið sér í hylkið en stór gluggi mun veita farþeganum stórkostlegt útsýni yfir jörðina. Að lokum lendir geimfarið með aðstoð fallhlífar í Eystrasaltinu.
Ekki verður boðið upp á neinar ferðir fyrr en búið er að að skjóta farinu nokkrum sinnum upp í rétta hæð og allt hefur gengið að óskum. Fyrsti geimfarinn verður úr röðum forkólfanna og þeir segjast ekki ætla að taka neina óþarfa áhættu.
-
Annan segir morðin hryllileg
-
Bretar æfa sig fyrir demantsafmælið
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú























