EVE Online frumlegasti leikur ársins 2010

Netleikurinn EVE Online hefur verið valinn frumlegasti leikur ársins 2010 af lesendum leikjavefsíðunnar MMORPG.com. Lesendurnir fengu tækifæri til þess að kjósa á milli fimm leikja og hlaut EVE Online 32,7% allra atkvæða.

Fram kemur á síðunni að lesendum þykir tölvuleikjafyrirtækið CCP, framleiðandi EVE Online, skara fram úr hvað varðar tækni og þróun sýndarveruleikaheimsins á netinu sem gerir það að verkum að notendur verða dyggir aðdáendur og sífellt fleiri bætast í hópinn.

Á síðunni er einnig minnst á EVE Online keppnina sem haldin verður í sjöunda sinn í Reykjavík helgina 24. til 26. mars. Þar fá notendur allstaðar að úr heiminum tækifæri til að hittast, spjalla við framleiðendur, skemmta sér og kynnast Íslandi. Þá er minnst á sérstaka keppnispakkaferð sem Icelandair býður upp.

• 1 blogg um fréttina

Bloggað um fréttina

• Ágúst Hjörtur : Enn ein rós í hnappagat CCP