Sólstormur í vændum

Samskipta- og raforkukerfi á jörðinni gætu truflast í kjölfar stærsta sólgoss sem orðið hefur í fjögur ár. Gosið varð í gær og hefur breska jarðvísindastofnunin gefið út jarðsegulstormviðvörun.

Óútreiknanleg gos á sólinni geta truflað nútímatæki á jörðinni eins og raforkukerfi, samskiptakerfi og gervihnetti, þar á meðal þá sem senda GPS-merki til jarðarinnar. Breska ríkisútvarpið BBC segir frá þessu á vefsíðu sinni í dag.

Jafnvel má gera ráð fyrir að íbúar á norðanverðum Bretlandseyjum geti séð norðurljós næstu daga en þau hafa þegar sést sunnar en venjulega í Norður-Írlandi og víðar á eyjunum.

Segja vísindamenn að sólin sé að vakna á ný eftir að hafa verið tiltölulega óvirk undanfarin ár.

• 4 blogg um fréttina

Bloggað um fréttina

• Ágúst H Bjarnason: Um sólblossa fyrr og nú...
• Sigurjón Benediktsson: En hefur umhverfisráðherra verið spurð?
• Stjörnufræðivefurinn (www.stjornufraedi.is): Sögðum frá þessu í gær - nánar um blossann
• Guðrún Emilía Guðnadóttir: Eitt af undrum veraldar