Búa til sæði úr stofnfrumum

Japönskum vísindamönnum við Kyoto háskóla hefur tekist að þróa sæðisfrumur úr stofnfrumum músafóstra. Þetta er talinn mikilvægur áfangi í rannsóknum og meðferð við ófrjósemi.

Frumunum var sprautað í ófrjóar karlmýs og urðu þá sáðfrumur þeirra frjóar.  Þær voru látnar eignast afkvæmi og útkoman varð heilbrigðar mýs, sem voru fullkomlega færar um að fjölga sér.

Enn er þó nokkuð í að hægt verði að nýta sér þessar niðurstöður til að vinna bug á ófrjósemi fólks; að minnsta kosti áratugur að mati vísindamannanna.  

Fylgst verður vel með hvort einhver áhrif verða á afkvæmin sem getin eru með þessum hætti.

• 2 blogg um fréttina

Bloggað um fréttina

• Davíð Pálsson: Karlmenn að verða óþarfir
• Haraldur Haraldsson: Búa til sæði úr stofnfrumum/þetta er framfarir sem geta skilað …