Brot úr geimfari féllu í Kyrrahaf
Brot úr rússnesku könnunargeimfari féllu nú síðdegis í Suður-Kyrrahaf, að sögn rússneska varnarmálaráðuneytisins. Er rússneskum embættismönnum létt en óttast var um tíma í dag að brotin myndu falla til jarðar í Suður-Ameríku, hugsanlega í Argentínu.
Hafa rússneskar fréttastofur eftir ráðuneytinu, að brot úr geimfarinu hafi fallið í sjóinn um 1250 kílómetra vestur af Wellingtoneyju.
Könnunarfarinu Phobos-Grunt var skotið á loft í nóvember og átti það að fara til Mars og lenda á Phobos, öðru tungli reikistjörnunnar, safna sýnum og flytja þau aftur til jarðar. Farið komst hins vegar aldrei af braut um jörðu og varð strax ljóst að það myndi falla til jarðar.
Geimfarið, sem kostaði jafnvirði 21 milljarðs króna í framleiðslu, er eitt þyngsta og eitraðasta geimrusl sem hefur fallið til jarðar. Hins vegar höfðu sérfræðingar sagt, að mestallt eldsneyti farsins myndi brenna upp í lofthjúpi jarðar.
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú
-
Hjólin fá að snúast að nýju
-
Bandalag múslíma lýsir yfir sigri
























