„Útdauðir“ apar finnast á lífi
Vísindamenn í Jakarta í Indónesíu fundu apategund sem talin var útdauð fyrir mörgum árum. Vísindamennirnir fundu apategundina nokkru fyrir utan það svæði sem áður var talið vera heimkynni hennar.
Hópurinn sem uppgötvaði aftur þessa einstöku apa var við störf langt inni í frumskógi Indónesíu við að setja upp myndavélar í þeim tilgangi að ná myndum af dýralífinu á svæðinu.
„Fyrst var okkur brugðið og við urðum undrandi en nú erum við í skýjunum yfir því að hafa fundið á lífi apa af þessari tegund,“ segir Brent Loken, doktorsnemi í Simon Fraser-háskólanum í Kanada.
Heimkynni apans hafa að mestu verið lögð undir ræktarland í Indónesíu eða orðið skógareldum að bráð. Þá hafa námufyrirtæki grafið upp stór svæði sem áður voru heimkynni apans og því var talið fyrir nokkrum árum að hann væri útdauður.
„Við vitum allt of lítið um svo margar dýrategundir og á undanförnum árum hefur verið gengið hratt á heimkynni margra dýra og því hætta á að mörg dýr sem nú eru í útrýmingarhættu deyi út á næstu árum og áratugum.“
-
Segjast ekki bera ábyrgð
-
Lokaæfingar í Bakú
-
Lady Gaga lætur ekki þvinga sig
-
Eurovision keppnin í SingStar
-
Bretar búast til hátíðahalda
-
Handtekin fyrir að mótmæla í Bakú
-
Hjólin fá að snúast að nýju
-
Bandalag múslíma lýsir yfir sigri
























